ARTEFACTOSALNÉS

+ "XAQUÍN CHAVES: SOBRE AKIRA KUROSAWA" (2012)

VÍDEO. 7’19”

DIRECCIÓN/MONTAXE: MANU PAZ

+ “UNHA VIDA DE CINE” MAGAZINE PRESENTA A:

FERNANDO ARENAZ (CAMBADOS, ABRIL 1969)

NO AMBIENTE ARTÍSTICO COÑÉCESELLE POR… NON TER LEVADO A MEDALLA AO MÉRITO LABORAL, PERO POR TER FEITO POLO MENOS UNHA EXPOSICIÓN INDIVIDUAL DECENTE ("A TRAVÉS" (2007) NA SALA RIVAS BRIONES DE VILAGARCÍA DE AROUSA).PROFESIÓN ... DI QUE É UNHA COUSA PERO TRABALLA DOUTRA

O TEU PRIMEIRO RECORDO RELACIONADO CO CINE... A HABITACIÓN ONDE DURMÍA EN CASA DOS MEUS PAIS ESTABA PEGADA Á CABINA DE PROXECCIÓN DO CINE AVENIDA DE CAMBADOS. TODAS AS NOITES DURMÍAME COS SONÍDOS MÁXICOS QUE A CABECEIRA DA MIÑA CAMA RECOLLÍA DE MÁIS ALÁ DA PAREDE.

A CULPA DA TÚA AFECCIÓN POLO CINE TENA… PILAR MIRÓ, POR PROGRAMAR TAN BO CINE EN TELEVISIÓN ESPAÑOLA DURANTE OS ANOS 80. OS MEUS PAIS POR DEIXARME TER O ANTIGO E GRANDE APARELLO DE TELEVISIÓN EN BRANCO E NEGRO NA MIÑA HABITACIÓN DURANTE A ADOLESCENCIA.

DE PEQUENO QUERÍAS SER… ANIMADOR EXPERIMENTAL CHECO CON LEVES INFLUENCIAS CANADENSES.

DE PEQUENO ASUSTÁBACHE... E DE GRANDE TAMÉN. A MIRADA SANGUENTA DE CHRISTOPHER LEE EN "DRÁCULA" (1958) DE TERENCE FISHER.

A TÚA ESCENA FAVORITA DE CINE DE TERROR É… OS PLANOS FINAIS DE "A MATANZA DE TEXAS", CON CARA DE COIRO CORTANDO O AIRE AO AMENCER COA SÚA SERRA MECÁNICA. BELEZA PURA. UN ÍDOLO CINEMATOGRÁFICO... BILLY WILDER. SE NON É DIOS PARÉCESELLE BASTANTE, NO CASO DE QUE EXISTA.

UN DIRECTOR? UN CENTO: CASSAVETES, NICHOLAS ROEG, PARADIANOV, JEAN RENOIR, ORSON WELLES, JEAN VIGO, EISENSTEIN, CHAPLIN, BERGMAN, KUROSAWA, MURNAU, JOHN FORD, FELLINI, KUBRICK, YASUJIRO OZU, FRITZ LANG, POLANSKI, MIZOGUCHI, SATYAJIT RAY, JOHN HUSTON, DREYER, TARKOVSKI, WOODY ALLEN, HERZOG, TERRENCE MALICK, DOVZHENKO, BUSTER KEATON, SVANKMAJER, BRESSON, JARMUSCH, WIM WENDERS, TIM BURTON, SKOLIMOWSKI, HANEKE, VÍCTOR ERICE, GODARD, CHRISTOPHER NOLAN, JOHN WATERS, ANTONIONI, DAVID CRONENBERG, ...

UN ACTOR? MARCELLO VINCENZO DOMENICO MASTROIANNI

UNHA SERIE DE TV? TWIN PEAKS: CAFÉ, TORTA DE CEREIXA E LAURA PALMER.

UNHA PELÍCULA A DESCUBRIR... “IF” (1968) DE LINDSAY ANDERSON. MÁIS NECESARIA QUE NUNCA.

QUE PERSONAXE CINEMATOGRÁFICO GUSTARÍACHE SER? NON ME GUSTARÍA PERO XA O SON, UN ESBIRRO GALÁCTICO, UN SOLDADO IMPERIAL DE STAR WARS, UN STORM TROOPER.

XA QUE ESTAMOS…STAR WARS OU STAR TREK? NON SEI SE QUEDARME COA ENSAIMADA DA PRINCESA LEIA O COAS ORELLAS DO DR. SPOCK, A VERDADE…

AS PELÍCULAS NO CINE OU NA CASA? DEBERÍA SER SEMPRE NO CINE Á BEIRA DE CASA, E CUN BAR CERCA PARA IR DESPOIS E FALAR UN POUCO. PERO ISO ACABOUSE…

UNHA BANDA SONORA DE CINE… "VÉRTIXE" DO GRAN BERNARD HERMANN PARA A PELÍCULA DO MESMO NOME DE DIRIXIDA POR ALFRED HITCHCOCK EN 1958.
UNHA VIAXE... "VIAXE A ITALIA (QUEREREITE SEMPRE)" DO MESTRE ROSSELLINI. PERO GOZANDO DA VIDA E ESAS COUSAS… NON COMO INGRID BERGMAN E GEORGE SANDERS TODO O TEMPO DE "MAL ROLLO".

UN LUGAR PARA ESCAPARSE… SHANGRI-LA. O LUGAR UTÓPICO E PARADISÍACO, E UN POUCO ABURRIDO, SITUADO NOS HIMALAYAS. É RETRATADO EN "HORIZONTES PERDIDOS" A PELÍCULA DE 1937, DIRIXIDA POR FRANK CAPRA.

UNHA PELÍCULA SOBRE A PINTURA E O CINE… “O MISTERIO PICASSO" (1956) DE HENRI-GEORGES CLOUZOT, PARA VER AO XENIO EN ACCIÓN.

UN MOMENTO MÁXICO DO CINE… OS OLLOS DE CLAUDIA CARDINALE EN "O GATOPARDO" (1963) DE LUCHINO VISCONTI.

PONLLE UN TÍTULO DE CINE Á ACTUALIDADE… "M (MERKEL) O VAMPIRO DE DÜSSELDORF". NON SEI SE ANGELA É DE DÜSSELDORF, PERO COA QUE NOS TEN MONTADA DEIXA TOTALMENTE EN RIDÍCULO AO POBRE DE PETER LORRE.

PARA REMATAR, UNHA REFLEXIÓN CINEMATOGRÁFICA… PARA VER CINE ENCERRÁMONOS NUNHA SALA TOTALMENTE ÁS ESCURAS PARA ARROXAR LUZ SOBRE AS COUSAS. CURIOSO…

"LENZO EN BRANCO". (2012)

VIDEO. 1'10"
FERNANDO ARENAZ
RECOMÉNDALLE ALGO AOS MOZOS… MOZOS, PÓDESE SUFRIR MÁIS, PERO "OS 400 GOLPES" DE TRUFFAUT NUNCA FALLAN. QUE PROXECTO GUSTARÍACHE LEVAR A CABO NUN FUTURO NON MOI AFASTADO? FACER UNHA PELÍCULA A MEDIAS CON EMIR KUSTURICA MENTRES NOS IMOS DE FESTA, QUE É O QUE “PARECE” QUE FAI MOI BEN ULTIMAMENTE. PARA REIVINDICAR… BERLANGA, BERLANGA, BERLANGA!!! UNHA DEBILIDADE… GÚSTAME DEMASIADO LUÍS BUÑUEL. O SEU CINE, CLARO.

ARTEFACTOSALNÉS

sábado, 5 de marzo de 2016